Folúntais
Is é an tÚdarás Náisiúnta Míchumais (ÚNM) an comhlacht reachtúil neamhspleách a sholáthraíonn faisnéis agus comhairle fhianaisebhunaithe don Rialtas ar bheartas agus cleachtas a bhaineann le saol daoine faoi mhíchumas.
Áirítear iad seo a leanas leis na feidhmeanna atá againn:
- Taighde
- Cabhrú le caighdeáin a fhorbairt
- Cóid chleachtais a tháirgeadh
- Faireachán a dhéanamh ar chur chun feidhme caighdeán agus cód cleachtais
- Faireachán a dhéanamh ar fhostú daoine faoi mhíchumas san earnáil phoiblí
- Gnóthú dea-chaighdeán agus dea-cháilíochta a aithint
- Lárionad Foirfeachta i nDearadh Uilíoch a oibriú, rud a chuireann úsáid an deartha uilíoch sa timpeallacht thógtha, i dtáirgí, i seirbhísí agus i dteicneolaíocht faisnéise agus cumarsáide chun cinn ionas gur féidir le gach duine iad a rochtain, a thuiscint agus a úsáid, beag beann ar a n-aois, a méid, a gcumas nó a míchumas
Is é an tÚdarás Náisiúnta Míchumais féin a chuireann an earcaíocht i gcrích, agus fógraítear folúntais ar an suíomh Gréasáin seo, tríd an tSeirbhís um Cheapacháin Phoiblí agus trí chineálacha eile meán.
Is fostóir comhdheiseanna é an tÚdarás Náisiúnta Míchumais.
Cuirtear fáilte ar leith roimh iarratais ó dhaoine faoi mhíchumas. Is féidir Socruithe Réasúnacha a chur i bhfeidhm.
Beidh naisc chuig aon fholúntais reatha le fáil thíos.
Struchtúir Phá/ Ghrádúcháin
Tá foireann an Údaráis Náisiúnta Míchumais comhdhéanta de sheirbhísigh phoiblí a fhostaítear ar bhonn buan. Uaireanta, is gá baill foirne shealadacha a fhostú ar bhonn conartha.
Íoctar formhór na mball foirne ar scálaí pá caighdeánacha na Státseirbhíse. Is ar scálaí tuarastail comhdhlúite na Roinne Sláinte a íoctar roinnt ball foirne, amhail Oifigigh Chléireachais Ghrád III agus Ghrád IV.